الســــــــــــ عليكم ـــــــــــــلام ...
أخترت لكم هذه القصيدة عسى أن تنال إعجابكم ... وكالعادة لآي استفسارات ... جاهز جداً ...
أية جمالك فوق راس القمة . واسمك على نوع من الورود مسمة
يا حدود رجايا ....... ياكل نيتي.......... يا صميم الغــــــــــــــــــايا
يا بعد عمري يا نواة منايا .. ياللي مكانك بعد باتـــــــــــــــــــه وامه
يادينتي وياعلتي ودوايا .. يا شبح عينه يا زهاتــــــــــــــــــــا وهمه
يانبض ينبض في حشا الخلايا ... من صبع رجله لعند عينـه وفمه
يا سيل يدفع بالحنان الفايا ... وربطة مشاعر وسطهــــــــــــا ملتمة
ياكنز من معادن قيمة للغاية ... الماس وسبايك في مصارف الامة
ياكون واسع ماوراه نهاية ...شموس وكواكب عدد ما يسمـــــــــــا
ياجنات خضرا بالورود ملايا ...فردوس ونعيم من مناظر جمــة
يابو ضفايف دايرات ثنايا .. وين مايحله يطيح يهلب كمــــــــــــه
يابوجبين ابيض اتقول ضوايا ... يا عين حرة في علاوي شمة
ياحزام غرة منسلة جرايا جيابت ثنايا في الليالي الطمـــــــــــــــة
يازول لمن فيه عشر صبابا .. يا حضن ودي يضمني ونضمــه
بس بالحلال ورضيته ورضايا .. وحتى كان ربي قسمهم ماتمه
اظل ذكرنه بين الاجيال حكايا....ولعند يوم الخشر هُمـــــــا هُما
انقولولهن ياسر دموع كفايا .. يخطر على نرسا في شواطي يما
انقول اسكتي يا عين يا بكايا ... وخرسة اتكلم في ودان الصمــة
ويبدن اينوحن في نواح ولايا .. على نجع فاني كملاته الحمــــة
أية جمالك فوق فوق القمة .. واسمك على نوع من الورود مسمه
يخطر عليهن ياسا .. اسبار...... وتقاليد....... وعوايــــــــــد ناســـــــه
وضيق السنين وعيشته اف تعاسة ... وبُعد السنين ودمنا عن دمــــــه
ماهوش جاري ساسنا حدا ساسه .. ولا ولد خاله ولاهو ولد خال امه
ويبدن ينوحن دايرات محاسا .. هذا قدرهن نازل في سورة عمـــــــــا
هول وعذاب الموت ضاقن كاسه ...سبعة الاف مرة ربنـــــــــا اللهم
عبدك دعاك ومايطول خلاصه .. لعند وين يقسمله غزير الجمــــــــة
أية جمالك فوق راس القمة . واسمك على نوع من الورود مسمة
تحياتي للجميع ..
ســـــــــــــــلام .
غير متواجد حالياً
جمــــــــــــــــــــالك
